fbpx
أخبار عاجلة
الرئيسية » آراء » حوار صحفي افتراضي مع سعادة الرايس “الحلقة1” بقلم مولاي احمد بلبهلول.

حوار صحفي افتراضي مع سعادة الرايس “الحلقة1” بقلم مولاي احمد بلبهلول.

FB IMG 1647710708194

سعادة الرايس  ماهي أهم المنجزات التنموية والفنية والثقافية والرياضية  التي أنجزتموها  خلال 3 فترات انتخابية متتالية قضيتموها على رأس الجماعة ؟ 

جواب: شرينا أسيدي  30 طوموبيل من نوع ” ج ”   كل وحدة  كاتاكل لينا  60  ألف ريال فالشهر ، ديال المازوط و8 لبنوات فالعام للوحدة  ولبياس لا تسول كايدي شلا فلوس  وأنا بصفتي رايس وبكل تواضيع  تصورت  مع 10  ديال الوزراء وها التصاور شاهدين كلهم محتفظ بيهم للتاريخ، حيت مللي كايجي شي وزير كايعلموني باش نجي أنا اللولي  ونسلم عليه ونبقا واقف حداه وكانتصور معاه ولادي ومرتي كايفرحو مللي كايشوفو التصاور مع الوزير، راه الوزير هذا ماشي اللعب، وراكم قارين وفاهمين لوزير راه كايجي من الرباط ، ونتوما نعاماس راكم عارفين هاذ الشي  واحد نسيبتي أم مرتي مللي شافت التصاور يحساب ليها أنا هو لوزير حيث لبست كوستيم جديد ودرت ” كرافاطة ” صفراء ونظارات  قهويين جابهم ليا ولد خويا من لفنيدق  مابقاتش عرفتني تاقلت ليها :  لا هذا مول “لكرافاطة” الصفراء والنظارات راه أنا ، لوزير راه كايشوف لهيه  عاطي بالظهر أنا راني واقف وراه 

ونظمت 3 المهرجانات طلعو علينا غالين   أكثر من 400 مليون سنتيم ،   عالغدا ديال الوفد والأعضاء كايطلع لينا ب : 15 مليون ،

ونهار الدورة ديال الجماعة ديما كاندير لغدا للأعضاء  عاكايصوتو ونمشيو للدار مجموعين  ، وكايطلع عليا  تقريبا ب2  ملاين.

سؤال:  وعلاش كاتدير ليهم هاذ لغدا أسعادة الرايس؟ 

جواب: هذا سؤال مهم حيث مساكن ماكايحكروش عليا وما يسولونيش بزاف، دغيا كايصوتو وأنا راني ولد الناس تا أنا كانكون فالمستوى كاندير ليهم غدا جيد ومزيان كايحمر لوجه.

سؤال : وهاذ لغدا واش من مالك الخاص؟ يعني من جيبك؟ 

جواب: هو فلأول بحال الى من جيبي تقريبا ، ولكن من بعد كانحسبوه على  الفصل ديال الماكلة،  حيت عندنا واحد الفصل فالميزانية ديال الماكلة كايسميوه فالقانون الإطعام.

سؤال آخر :  وكاتدير فالفاتورة  عا داك الشي اللي خسرتي  ولا كاتزيد شي شوية؟

جواب:  لا  لابد نزيدو شي براكة وماشي غير أنا  وحدي اللي كانزيد شحال من رايس كايدير هاذ الشي  أنا نهار الأول ماكنتش عارف، تاوراها ليا واحد الرايس صاحبي  قديم ومللي سولت الموظفين لقيتهم عارفينها، حيت كانو كايديروها مع الرايس اللي  كان قبل مني .

شكرا سعادة الرايس على هذه المعلومات القيمة وهذه التوضيحات ، ودمتم في خدمة  الصالح العام.

 لاشكر على واجب.

* ملحوظة هذه الحوارات لا تعني رئيسا معينا و لا جماعة معينة بقدر ما تسلط الضوء على بعض الاختلالات في الجماعات الفاسدة .

بقلم الأستاذ مولاي أحمد بلبهلول .

شاهد أيضاً

SAVE 20231115 095147

الجامعة العربية تاريخ من الفشل في معالجة القضية الفلسطينية

عبد الإله شفيشو / فاس (أكد القادة المشاركون في القمة العربية الإسلامية غير العادية المنعقدة …

اترك تعليقاً

لن يتم نشر عنوان بريدك الإلكتروني.